Turi, Kerry mbërrin në Bagdad për IS
10/09/2014 00:00
Rrëmbimi masiv në shkollën katolike, lirohen 130 nxënës të tjerë në Nigeri 21/12 21:41
Sekretari amerikan i Shtetit, John Kerry, ka mbërritur në Bagdad mëngjesin e së mërkurës, në atë që konsiderohet si nisje e turit të tij në Lindjen e Mesme për të krijuar të gjitha kushtet e nevojshme për mbështetjen e veprimeve ushtarake ndaj Shtetit Islamik.
Kerry pritet të takohet në vijim me kryeministrin e ri të Irakut, Haidar al-Abadi. Vizita e panjoftuar më parë vjen thuajse 48 orë pas dakordësimit të një qeverie uniteti në Irak. Një qeveri gjithëpërfshirëse, e cila ishte edhe një kusht për më shumë mbështetje nga Shtetet e Bashkuara dhe NATO.
Forcat irakene dhe kurde janë duke luftuar militantët e Shtetit Islamik (IS), të cilët kanë pushtuar pjesë të tëra të vendit gjatë muajve të fundit, madje edhe në shtetin fqinj të Sirisë.
Turi i kryediplomatit amerikan dot ë vazhdojë më pas me Arabinë Saudite dhe disa prej kryeqyteteve kryesore të vendeve arabe, ku Kerry do t’u kërkojë fqinjëve sunitë të Irakut të shfaqin solidaritet me Bagdadin.
Top Channel
