Gaza, armëpushimi i ri 72 orësh

Nëse armëpushimi rezulton me sukses, Izraeli pritet të dërgojë një tjetër grup negociatorësh në Kajro për bisedime të mëtejshme, me qëllim arritjen e një pakti më të gjatë paqeje.

Por, nga ana tjetër, autoritete të Tel Avivit thonë se, pavarësisht nisjes së armëpushimit, janë dëgjuar shpërthimet e disa raketave, të cilat nuk kanë shkaktuar dëme të mëdha.

Megjithatë, një skenar i tillë, që sulmet mund të vazhdojnë, ka gjasa të ndodhë, sepse palestinezët janë të dyzuar në vendimmarrjen e tyre për armëpushimin dhe thonë që misioni i Hamasit nuk ka përfunduar ende, ashtu sikurse dhe Izraeli kërkon me çdo kusht që ushtarët e Hamasit të çmilitarizohen dhe t’i japin fund bllokadës së tyre.

Nga ana e ndërkombëtarëve, kjo është konsideruar si çështje e vështirë për të arritur në një qëllim final të përbashkët, sepse si Izraeli dhe palestinezët janë të kundërt në qëndrimet e tyre.

Por, sipas palëve negociatore, të dy krahët e kundërt politik janë jo vetëm nën presionin e ndërkombëtarëve dhe presionin e botës arabe, për një armëpushim më afatgjatë, por gjithashtu dhe nën presionin e njerëzve në Gaza, të cilët duan të shohin fundin e krizës sa më shpejt.

Top Channel