Një zëdhënës ukrainas për sigurinë ka akuzuar forcat ajrore të Rusisë se kanë qëlluar një prej avionëve të tyre, teksa ishte me mision mbi territorin ukrainas.
Andriy Lysenko, zëdhënës i Këshillit Kombëtar ukrainas për Sigurinë dhe Mbrojtjen, tha se një avion bombardues “Su-25” është rrëzuar mbrëmjen e së mërkurës. Video amatore të publikuara të mërkurën tregojnë atë që shihet si një avion i goditur mbi rajonin lindor të Ukrainës, Luhansk.
Rebelët thanë se ishin ata, që kishin rrëzuar dy avionë “Su-25” gjatë së mërkurës. Ata u rrëzuan gjatë luftimeve në kufijtë Marinivka, sipas komandantit të rebelëve Igor “Strelkov” Girkin.
Zyrtarët ukrainas akuzuan gjithashtu Rusinë se ka rrëzuar edhe një avion transporti më herët. Një avion “An-26” është rrëzuar nga një raketë e goditur në lindje të Ukrainës gjatë së hënës, me humbjen e ekuipazhit të tij, apo rrëmbimin e tyre.
Top Channel
