Franca kërkon ndihmë për Gazën

Reagimi i kreut francez erdhi menjëherë pas zhvillimit të protestave pro-palestineze në Paris.

“Izraeli ka të drejtën e plotë për të ruajtur sigurinë e tij, madje mund të mbrojë veten nëse sulmohet, por në të njëjtën kohë Izraeli duhet të tregojë përmbajtje, pasi situate në Gaza po krijon reagime dhe në vendet e tjera të botës”, u shpreh Holande.

Nga ana tjetër dhe kryeministri i vendit tha se Franca kurrë nuk do të tolerojë njerëz që përpiqen me fjalë apo vepra të importojnë konfliktin izraelito-palestinez për në territorin e saj.

Franca shquhet se ka popullsinë më të madhe arabe në Europë. Ofensiva e Izraelit kundër militantëve të Hamasit në Rripin e Gazës ka vrarë më shumë se 172 palestinezë.

Edhe pse në mungesë të marrëdhënieve diplomatike të Francës me Hamasin, Hollande ka folur me presidentin palestinez, Mahmoud Abbas, kryeministrin turk, Rexhep Tajip Erdogan, dhe presidentin tunizian, duke u përpjekur për të bindur ata të cilët kanë ndikim të drejtpërdrejt në Rripin e Gazës, dhe në të njëjtën kohë i ka bërë presion Izraelit për t’i dhënë fund dhunës.

Top Channel