Lazarat, gjendet tjetër municion armësh

Ndërsa, një ditë më parë policia ka gjetur pjesët e një armeDit snajper që iu ishte marrë efektivëve të repartit RENEA në vitin 1998 gjatë një operacioni shumë të vështirë në shtator të atij viti pas një shkëmbimi zjarri, kishte mbetur në fshatin Lazarat.

Operacioni ishte ndërmarrë për lirimin e disa personave biznesmenë, që ishin marrë peng së bashku me mjetet e tyre dhe ishin dërguar në fshatin Lazarat. Gjatë atij operacioni mbetën të plagosur disa punonjës policie, ku 4 prej tyre në gjendje më të rëndë, tre punonjës të forcave RENEA dhe 1 punonjës i FNSH-së Dragoti, u dërguan me helikopter për kurim të specializuar në Janinë.

Ndërkohë, policia mbrëmë arrestoi shtetasin Vangjel Hasim Tule, vjeç 29, pasi gjatë kontrollit të ushtruar nga forcat e policisë në banesën e këtij shtetasi në lagjen Gjokaj, i janë gjetur 17 thasë me lëndë narkotike kanabis sativa me peshë 46 kg, si dhe granata dhe municione të ndryshme.

Në total janë 27 persona të arrestuar. Dje, policia njoftoi edhe nisjen e procedimit penal në gjendje të lirë ndaj kryetarit të Komunës Lazarat, Dashnor Alikos.

Sipas Policisë, ndaj Alikos, janë kryer veprimet procedurale dhe materialet i kanë kaluar Prokurorisë për Krime të Rënda Tiranë, si i dyshuar për veprat penale “vrasja në rrethana të tjera cilësuese mbetur në tentativë”, “organizimi dhe drejtimi i organizatave kriminale”, “moskallëzim krimi”, “përkrahje e autorit të krimit”, “forma të veçanta të bashkëpunimit”.

Burime nga Policia bëjnë të ditur se dyshohet se Aliko ka qenë prezentë në të gjitha veprimet që janë ndërmarrë kundra efektivëve blu, kur këta të fundit janë qëlluar me armë që në ditën e parë të operacionit të tyre në Lazarat.

Në total, policia ka gjetur dhe shkatërruar në Lazarat 54.4 ton marijuanë, 133 mijë rrënjë kanabis si dhe 293 armë zjarri të llojeve të ndryshme.
 

Top Channel