Protesta e tregtarëve ambulantë

“Duke dëgjuar fjalë të ndryshme që gjoja ne kemi pranuar, drejtohemi tek bashkia, i drejtohemi tatim-taksave që ne nuk mundemi të paguajmë atë që kërkojnë ata”, thonë tregtarët.  

Mes tregtarëve dhe drejtuesve bashkiakë e drejtuesve të tatimeve janë bërë bisedime që kanë përfunduar pa asnjë rezulat.

“Përmes gjithë asaj propagande që ka bërë Drejtoria Rajonale e Tatimeve duke u thënë që detyrimi ligjor është ky, unë kam qenë i bindur se ata do ta kuptojnë. Por unë shumë shpejt do të organizoj një takim me të gjithë tregtarët për të përcuar të gjithë atë cfarë Drejtoria e Përgjithshme e Tatimeve toleroi për t’u dhënë mundësi qytetarëve që të bashkohen 2-3 dhe të ushtrojnë aktivitetin e tyre në një ambient duke paguar vetëm një detyrim, ndërsa të gjithë të punësuarit do të paguajnë sigurimet shoqërore”, thotë kreu i Bashkisë së Lezhës, Viktor Tushe.  

313 tregtarë kanë firmosur peticionin e pjesëmarrjes në ngujimin në një protestë në treg, ndërsa 20 prej tyre pritet të futen në grevë.

Top Channel