Foto, Will dhe Jada Smith nën hetim
22/05/2014 00:00
U arrestua nga policia pasi u kap në gjendje të dehur në timon, Britney Spears shtrohet në rehabilitim 13/04 07:55
Një foto me kontekst të qartë intim e vajzës së tyre 13-vjeçare Willow Smith ka vënë nën hetim çiftin e famshëm hollivudian, Will Smith dhe Jada Pinkett.
13-vjeçarja, aktore dhe këngëtare, shoqërohet në foton bardhezi nga aktori 20-vjeçar, Moises Arias, i bërë i famshëm për rolin e tij si Rico në filmin e Disney, “Hannah Montana”.
20-vjeçari gjysmë i zhveshur qëndron mbështetur pas murit, ndërsa Willow e shtrirë dhe me kokën mbështetur në njërën dorë. Fotoja cilësohet si e tepruar për moshën që ka vajza e Will dhe Jada Smith dhe ngjalli reagime të shumta.
Shërbimet e Mbrojtjes së Fëmijëve në Los Anxheles njoftuan nisjen e një hetimi ndaj prindërve të Willow.
“Hetimi ka nisur zyrtarisht javën e kaluar dhe është marrë shumë seriozisht nga ana e departamentit”, thuhet në deklaratën e këtyre shërbimeve.
Nëse gjenden fajtorë, Will dhe Jada mund të penalizohen, ndërsa ka zëra që ky penalizim mund të shkojë deri tek kushtëzimi i kujdestarisë ndaj vajzës së tyre.
Top Channel
