Vriten 3 policë në Universitetin e Kajros
20/05/2014 00:00
“Fito” del para drejtësisë amerikane, ekstradohet lideri famëkeq nga Ekuadori 21/07 09:28
Një javë para zgjedhjeve presidenciale, ku ish-shefi i ushtrisë Abdel Fattah al-Sisi pritet të fitojë, 3 persona kanë mbetur të vrarë pasi janë qëlluar nga njerëz të armatosur pranë Universitetin Al-Azhar të Kajros.
Pasi kanë hapur zjarr ndaj një pike kontrolli autorët janë larguar me dy makina, si pasojë e të shtënave kanë mbetur të plagosur edhe 11 persona të tjerë, raporton ‘Reuters’.
Sulmet e militantëve e janë shtuar ndjeshëm që pas përmbysjes së Mohamed Mursi nga kandidati aktual për president, atëherë shef i ushtrisë, Abdel Fattah al-Sisi.
Qindra policë dhe ushtarë kanë mbetur të vrarë në kryengritjen islamike kundër qeverisë së mbështetur nga ushtria.
Një javë më parë Sisi kërkoi mbështetjen e SHBA për të luftuar militantët islamikë. Forcat e sigurisë kanë shkatërruar Vëllazërinë Myslimane që nga rënia e Mursit, duke vrarë me qindra persona dhe arrestuar mijëra të tjerë.
Top Channel
