“Portieri ynë, Manuel Neuer, ka zgjatur kontratën e tij deri në 30 qershor 2019.” Këto janë fjalët e Karl Heinz Rummenigge, presidentit të klubit bavarez, i cili dha lajmin e këtij rinovimi pasditen e së premtes.
Kontrata e Neuer me Bayern Munchen skadonte në vitin 2016 dhe 3 ditë pas eliminimit nga Liga e Kampioneve, 28-vjeçari ka vendosur të rinovojë me klubin më të madh gjerman.
“Më tha që dëshira e tij është të luajë përgjithmonë me ne”, shtoi Rummenigge.
Manuel Neuer i është bashkuar Bayernit në vitin 2011 (i blerë nga Schalke 04) dhe që atëherë ka fituar 1 Champions League, 2 tituj kampion në Bundesligë, 1 Botëror Klubesh, 1 Superkupë Europe, 2 Kupa Gjermanie dhe 1 Superkupë Gjermanie.
Top Channel
