
Mungojnë edhe dy ditë nga derbi i tij i parë i Milanos dhe Hernanes mezi po pret përballjen me kuqezinjtë.
“Është një nga ndeshjet derbi më të shikuara në botë. Për mua do të jetë hera e parë dhe është shumë e rëndësishme. Dua ta përgatis me entuziazëm. Duhet të luajmë me karakter dhe me zemër, vetëm kështu mund të fitojmë”, tha organizatori brazilian i Interit.
Hernanes mendon se zikaltërit duhet të fitojnë në radhë të parë sepse është ndeshje derbi dhe jo për pikët në renditje: “Është një ndeshje që ndihet shumë dhe jemi të motivuar. Duhet ta fitojmë thjesht për faktin se bëhet fjalë për një derbi.”
Ja si e sheh ai Milanin: “Një skuadër e fortë. Nuk e nisi mirë kampionatin, por është përmirësuar shumë së fundmi dhe arritën 5 fitore në 5 takime. Kanë lojtarë të mëdhenj dhe do të jetë një sfidë e vështirë.”
Top Channel