Vllaznia mposhti Tiranën edhe në finalen e dytë në basketboll për meshkuj, duke iu afruar gjithmonë e më shumë titullit kampion në Shqipëri.
Xhokovic dhe Saraeliaj ishin protagonistët e triumfit 95-79 të skuadrës së drejtuar nga Bledar Gjecaj, e cila ndeshjen e ardhshme do të kërkojë të festojë së bashku me tifozët e vet në Shkodër.
Vllaznia e dominoi lojën nga fillimi deri në fund duke mos i lënë hapësira bardhebluve për të përmbysur rezultatin.
Shënuesit më të mirë të kësaj finaleje të dytë ishin dy lojtarët e Vllaznisë, Xhokovic me 35 pikë dhe slloveni Saraeliaj me 33 pikë.
Kjo është fitorja e katërt që shkodranët regjistrojnë ndaj Tiranës në këtë sezon dhe tashmë i kanë të gjitha mundësitë të mbyllin fazën finale dhe të shpallen për herë të 7 kampion në basketboll për meshkuj.
Top Channel
