SHBA, treni del nga shinat, evakuohen 350 persona

Autoritetet vendase kanë bërë të ditur se 15 vagonë të trenit të kompanisë CSX, i cili udhëtonte nga Chicago për në Virginia, kanë dalë nga shinat dhe më pas ka shpërthyer një zjarr i madh.

Në një deklaratë të kompanisë CSX është thënë se 3 prej vagonëve janë përfshirë menjëherë nga flakët. JoAnn Martin, një zyrtar vendas tha se 4 prej vagonëve rrjedhin naftë, e cila më pas derdhet në lumë.

Shërbimet e emergjencës kanë evakuuar me shpejtësi rreth 350 persona, pranë vendit të ngjarjes. Deri tani nuk ka raportim për të lënduar.

Një aksident i ngjashëm ndodhi një vit më parë në Quebec të Kanadasë, ku një tren, i cili transportonte naftë të papërpunuar, doli nga shinat duke shpërthyer në flakë, për pasojë të paktën 50 persona humbën jetën.

Top Channel