Mou: Respekt për Atleticon, një skuadër e madhe

01/05/2014 00:00

Jose Mourinho, trajneri i Chelsea, pranoi superioritetin e Atletico Madrid dhe deklaroi pas humbjes 1-3 të skuadrës së tij se finalen e Lisbonës do e luajnë dy ekipe që e merituan.

“Reali ishte më i mirë se Bayern dhe Atletico më i mirë se Chelsea. E meritojnë finalen. Ta shijojnë dhe të fitojë më i miri. Respekte ekipit që na eliminoi”, tha portugezi.

Analiza – Atletico e meritoi fitoren. Deri tek 11-metërshi, ne e kontrolluam lojën. Ishte ndeshje e barabartë, por pas penalltisë ndryshoi gjithçka. Portieri i tyre bëri një pritje të shkëlqyer ndaj Terry, ndërsa sulmuesi i tyre e goditi shumë mirë 11-metërshin. Atletico u tregua një skuadër e qëndrueshme.

Courtois – Është portieri i Atleticos dhe detyra e tij është të presë topat. Bëri të pamundurën të mundur në goditjen e Hazard dhe bëri një pritje përcaktuese ndaj Terry. Gjithsesi, Atletico e meriton pasi di të luajë si skuadër. Respektet e mia pasi janë një skuadër e madhe.

Top Channel