Cristiano Ronaldo është tashmë golashënuesi më i mirë në një edicion të vetëm Champions-i . Portugezi shënoi 2 gola në fitoren e thellë 0-4 që Reali arriti ndaj Bajernit të Mynihut në gjysmëfinalen e kthimit të këtij kompeticioni dhe arriti shifrën e 16 golave sezonalë duke lënë pas rekordin e 15 golave të mbajtur deri tani nga Leo Messi (Barcelona, 2011/12), Jose Altafini (Milan, 1962/1963) dhe Ruud van Nistelrooy (Manchester United, 2002/03).
Sulmuesit portugez të Realit i ka mbetur në dispozicion edhe finalja e Lisbonës për të thelluar këtë rekord.
Ky sezon ka qenë i shkëlqyer për Cristiano Ronaldon përsa i përket statistikave personale: në 44 ndeshje ka shënuar 49 gola (30 në kampionat, 16 në Champions dhe 3 në Kupën e Mbretit).
Duke i shtuar 7 golat që ka shënuar në 4 ndeshje me Portugalinë, shifra shkon në 56 gola në 48 ndeshje.
Top Channel
