Beckenbauer: Zhgënjim i madh
30/04/2014 00:00
Shorti i Conference League! Goglat nuk kursejnë derbin shqiptar, Drita dhe Shkëndija do të ndeshen me njëra-tjetrën 29/08 14:42
Franz Beckenbauer kritikoi sërish Bajernin e Mynihut duke theksuar se eliminimi nga Liga e Kampioneve konfirmoi gjendjen e keqe të skuadrës.
“Bajerni nuk është mirë. Është gjë që dihet tashmë prej disa javësh. Nga gushti deri para pak javësh skuadra luajti në maksimum dhe e përqendruar. Më pas, nisi një fazë tjetër që vazhdon edhe sot. Zhgënjim i madh”, tha Presidenti i Nderit i bavarezëve.
Beckenbauer nuk e përmendi për asnjë moment emrin e Guardiolës në analizën e tij, por u mor me Hamburgun, kundërshtarin e ardhshëm të Bajernit në kampionat.
“Nëse Hamburgu nuk përfiton nga kjo situatë ku ndodhemi, e meriton rënien në kategorinë e dytë”, deklaroi “Kaizeri” i futbollit gjerman, i cili vlerësoi në maksimum Realin e Madridit.
“Zhvilloi një tjetër ndeshje të shkëlqyer, ashtu siç bëri në Spanjë. Mendoj se ndeshjen e parë duhet ta kishin fituar me rezultat më të thellë. E meriton plotësisht finalen”, tha Beckenbauer.
Top Channel
