Carlo Ancelotti deklaroi se skuadra e tij zhvilloi ndeshjen perfekte pas fitores së madhe 0-4 që Reali arriti në Allianz Arena ndaj Bayern Munchen, në gjysmëfinalen e kthimit të Ligës së Kampioneve.
“E kam thënë gjithmonë: kur të gjithë lojtarët punojnë së bashku, atëherë cilësia del në pah dhe zhvillohet ndeshja perfekte”, tha trajneri italian.
“Unë kisha fituar edhe më parë në Mynih dhe kisha besim. Falenderoj lojtarët dhe të gjithë tifozët pasi më në fund, pas 12 vitesh, Reali do të luajë një finale”, shtoi Ancelotti, i cili u mundua të ngushëllonte Xabi Alonson, i cili nuk do të luajë finalen për shkak se u ndëshkua me karton të verdhë.
“Na vjen shumë keq për të. Është i trishtuar, por e rëndësishme është që Reali është në finale”, tha Ancelotti.
Top Channel
