Legjenda e Bayern Munich, Lothar Matthaus beson se Real Madrid do të
bëjë një lojë difensive kur dy palët të takohen të martën në mbrëmje në
“Allianz Arena”.
Ekipi spanjoll fitoi 1-0 javën e kaluar në “Santiago Bernabeu” falë gjysmëgolit të Karim Benzema, që bën që madrilenët të konsiderohen favoritë.
Djemtë e Carlo Ancelottit ishin të lumtur nga fitorja me mbrojtje dhe kundërsulm ndaj Bayern dhe ish-kampioni gjerman mendon se ata do të bëjnë të njëjtën gjë sërish.
“Ata do të luajnë njësoj si në ndeshjen e parë. Ancelotti është një trajner që e ka studiuar Bayernin dhe i di truket e tyre”, ka thënë Matthaus.
“Madrilenët mund të luajnë në sulm me një skuadër si Mallorca, me gjithë respektin për të. Por ata nuk do ta bëjnë atë kundër Bayern, një ekip që lëviz shumë mirë”, ka shtuar ai.
Ish-kapiteni i bavarezëve thekson se, Bayern dështoi të shënonte gol në “Bernabeu” dhe tani duhet të vijë nga një hap prapa. Ai vlerëson se ekipit do t’i duhen të paktën dy gola dhe sugjeron që lojtarët të tregohen të kujdeshsëm.
“Rezultati 1-0 në ndeshjen e parë është i rrezikshëm, por Bayern mund ta tejkalojë nëse lojtarët luajnë në të njëjtin nivel të 5 javëve më parë”, ka shtuar ikona e futbollit gjerman.
Top Channel
