Ferrari nuk duhet të përmirësohet me hapin e skuderive të tjera, por duhet të bëjë diçka më shumë. Ky është mesazhi i Fernando Alonsos, spanjollit dy herë kampion bote në Formulën 1.
“Duhet të jemi më efikasë, na duhet një aerodinamikë më e mirë dhe më shumë fuqi. Në garat e para kemi pasur boshllëqe të mëdha. Në Kinë bëmë disa hapa përpara që ishin shumë të vogla, por që përmirësuan makinën në tërësi”, tha piloti spanjoll për ‘Autosport’.
Në 11 maj do të zhvillohet gara e parë europiane e sezonit dhe Alonso kërkon nga skuadra që të jetë gati për Barcelonën.
“Kemi akoma shumë vend për përmirësim duke qenë se e nisëm shumë mbrapa kampionatin. Kjo është sfida jonë. Nuk duhet të përmirësohemi me hapin e të tjerëve, por të bëjmë më shumë”, shtoi Alonso.
Top Channel
