Stefan Effenberg beson se sistemi i trajnerit të Bayern Munich, Pep
Guardiola arriti limitin e tij në ndeshjen me Real Madrid javën e
kaluar, që u mbyll me fitoren 1-0 të spanjollëve.
Ish-mesfushori i bavarezëve dhe i kombëtares gjermane mendon se aktualisht Bayern nuk është aq dinamik sa të sigurojë kurorën e Champions League. Në prag të ndeshjes së kthimit në Bavari, ai është shprehur se Bayern fiton 90 për qind të lojës.
“Në Bundesliga ata demoralizojnë kundërshtarët me zotërimin konstant të topit. Por në një nivel më të lartë gjërat ndryshojnë. Ekipe si Manchester United, Real apo Chelsea, në finale mbrohen në mënyrë të përsosur”, ka deklaruar Effenberg.
Sipas tij, “këto ekipe mund të bllokojnë një sulm me dy ose tre hapa. Për të reaguar ndaj kësaj taktike dhe për të ndryshuar ideologjinë e lojës është e vështirë dhe sistemi i Guardiolës arriti limitin në Madrid”.
Bayern u kritikua për mungesë ritmi në ndeshjen e luajtur në Madrid dhe Effenberg mendon se rënia nga forma e Ribery ndikoi patjetër në atë rezultat zhgënjyes.
Top Channel
