Peter Cech dhe John Terry mund të luajnë të mërkurën ndaj Atletico Madrid në ndeshjen e kthimit të gjysmëfinaleve të Ligës së Kampioneve.
Të dy këta lojtarë ishin përjashtuar si mundësi nga Jose Mourinho pas ndeshjes së vajtjes pasi u dëmtuan në Vicente Calderon, por të martën u stërvitën normalisht me skuadrën.
“Për Cech sezoni ka mbaruar, ndërsa Terry mund të luajë vetëm në finalen e Ligës së Kampioneve”, tha trajneri portugez pas takimit që përfundoi 0-0 të martën e kaluar.
Portieri çek ka thënë për ‘Sky’ se është gati të luajë. Gjithashtu, u stërvitën me grupin edhe lojtarët e tjerë të dëmtuar: Eden Hazard dhe Samuel Eto’o.
Top Channel
