Champions, sot përballja Bayern-Real

29/04/2014 00:00

Sot në mbrëmje do të përcaktohet finalistja e parë e Champions Leagues
për këtë sezon që do të dalë nga cifti Bayern Munich-Real Madrid.

Edhe pse fituan ndeshjen e parë përpara një jave në “Bernabeu” me rezultatin 1-0, asgjë nuk është e venodsur madje edhe për këtë ndeshje kthimi Reali nuk e sheh veten më të avantazhuar nga fitorja e parë. Në formacionin e skuadrës së Ancvelotit do të rikthehet nga minuta e parë Garet Bale dhe për të kjo do të jetë ndeshja më e rëndësishme e karrierës pasi do të tentojë të kalojë në finale të Champions për herë të parë.

Lojtari më i shtrenjtë i blerë ndonjëherë në histori, mungoi edhe në fundjavë në fitoren 4-0 të Realit ndaj Osasunës pasi ishte me grip, por për sot do të jetë i gatshëm. Reali i Madridit ka fituar 4 ndeshjet e fundit duke shënuar 11 gola dhe ka pësuar një, ndërsa Bajerni i Mynihut në këtë pjesë të fundit të sezonit po kalon një moment jo të mirë.

Skuadra e drejtuar nga Guardiola ka humbur 3 nga 6 ndeshjet e fundit, me Realin, Borusian e Dortmundit dhe Augsburgun, gjithësesi sot është ndeshja e tyre ndoshta e të gjithë sezonit, për të përmbysur humbjen e një jave më parë dhe për të mbrojtur titullin kampion të Champions Leagues. Pasi kanë qëndruar pushim këtë javë, Lahm, Kros dhe Roben do të jenë në formacionin e parë dhe pavarësisht të gjithave priten ndryshmi të tjera në 11-shen që Guardiola do të zbresë sot në fushë.

Kjo ndeshje do të trasmetohet si gjithmonë drejtpërdrejtë në DigitAlb nëpërmjet paketës SuperSport, duke filluar nga ora 20:00.

Top Channel