Ashley Cole kërkon të jetë pjesë e kombëtares së Anglisë për Botërorin e këtij viti duke i mbyllur gojën kështu kritikëve të tij.
Leighton Baines dhe Luke Shaw janë favoritët për postin e mbrojtësit të krahut të majtë pasi Cole këtë sezon ka qenë rezervë e spanjollit Azpilicueta tek Chelsea. Por, lojtari i cili ka luajtur 107 ndeshje me Anglinë mendon se ka ende për t’i dhënë përfaqësueses.
“Këtë vit kam pasur shumë presion. Mendoj se të gjithë duan që unë të mos grumbullohem fare. Ndoshta janë mërzitur duke më parë 13 vite rresht në të majtë të mbrojtjes”, tha 33-vjeçari për ‘BeIn Sport’.
“Ky sezon ka qenë i shkëlqyer për lojtarë si Baines dhe Shaw, por unë nuk kam mbaruar ende”, shtoi Cole.
Anglia është në grupin D të Botërorit së bashku me Italinë, Uruguajin dhe Kosta Rikën.
Top Channel
