Diego Costa foli mbi gjysmëfinalen e kthimit të Champions League që do të vërë përballë Atletico Madrid me Chelsea mbrëmjen e së mërkurës në Londër.
Sulmuesi i bardhekuqve spanjollë mendon se “Blutë” do të detyrohen që të sulmojnë më shumë në këtë takim dhe nuk do të mbrohen si në Vicente Calderon.
“Nuk jam nervoz pasi na pret një ndeshje shumë e bukur. Takimi i dytë do të jetë ndryshe nga i pari. Ata do të sulmojnë më shumë, por ne kemi besim tek aftësitë tona”, tha lojtari më i spikatur i skuadrës së drejtuar nga Simeone.
Arbitri i ndeshjes Chelsea-Atletico Madrid do të jetë italiani Nicola Rizzoli.
Top Channel
