Paul Breitner ka besim tek Pep Guardiola. Ish-futbollisti i Bayern Munchen dhe kombëtares gjermane është optimist në prag të gjysmëfinales së kthimit mes bavarezëve dhe Realit të Madridit, duke theksuar për ‘Sport 1’ se nëse Bayerni luan në nivelin e tij të zakonshëm, nuk mund të eliminohet nga spanjollët.
Superioritet – Nëse luajmë në nivelin tonë të zakonshëm, Reali nuk mund të na mposhtë kurrë pasi jemi më të mirë se ata. Nuk kemi lojtarë të shpejtë, por jemi pa diskutim një skuadër më e mirë. Por, duhet të luajmë siç dimë, jo siç bëmë në Madrid. Jam optimist për të martën.
Kritikat mbi Guardiolën – Nuk mund të nisim ta shajmë për 2-3 ndeshje të dobëta. E ngritën në qiell gjatë fazës së grupeve, ndërsa tani duket sikur nuk ia ka idenë futbollit.
Zotërimi i topit pa efikasitet – Në vjeshtë zotëronim topin dhe shënonim shumë gola. Ishte futbolli perfekt. Në javët e fundit po na mungon diçka.
Top Channel
