Të paktën 21 persona kanë mbetur të vdekur dhe rreth 50 të tjerë janë plagosur si pasojë e një sulmi me mortaja të rebelëve në zonat e kontrolluara nga regjimi në Aleppo.
Lajmi është bërë i ditur nga grupi aktivist me bazë në Britani, Observatori Sirian për të Drejtat e Njeriut.
Aleppo është e ndarë mes regjimit dhe rebelëve, kohët e fundit sulmet janë rritur ndjeshëm.
Rebelët kontrollojnë pjesën lindore të qytetit, por forcat e Assad kanë arritur të marrin nën kontroll një pjesë të madhe të këtyre zonave gjatë muajit të fundit.
Forcat e opozitës sulmuan kazermat e regjimit dhe u përpoqën për të avancuar në lagjen perëndimore Zarha. Ata kanë prerë edhe linjat e furnizimit me energji elektrike në pjesën e kontrolluar nga regjimi.
Televizioni shtetëror sirian raportoi se rebelët kanë hedhur në erë disa banesa, si edhe ndërtesën e Dhomës së Industrisë.
Top Channel
