Lazio rigjen fitoren, pasi mundi ekipin e Livorno-s me rezultatin 0-2. Mauri shënoi golin e parë pas një gabimi të portierit.
Ndërkohë sapo filloi pjesa e dytë, skuadra e Edy Reja-s fiton një 11-metërsh, pasi goditja e Maurit ndalohet me dorë nga Rinaudo, Candreva e shndërron në gol këtë penallti.
Për skuadrën toskane kjo është humbja e katërt radhazi, duke kompromentuar objektivin e tyre për t’i mbijetuar rënies nga kategoria.
Me këtë fitore Lazio ngjitet në vendin e 7, duke synuar një vend në Europë. Parma është ndalur sërish dhe zona e Europa League-s i largohet gjithnjë e më tepër.
Skuadra e Donadon-it pasi u mund nga Interi, tashmë humbi edhe në fushën e Cagliari-t që fiton 1-0, falë një penalltie të shndërruar në gol nga Pinila, në minutën e 34-të, kaq mjaftoi për të marrë këtë fitore të rëndësishme.
Top Channel
