Tirana fitoi 2-1 me Vllazninë dhe i largohet me 5 pikë zonës së ftohtë të rënies nga kategoria superiore.
Bardheblutë shënuan dy herë, me vrapin në minutën e 19 dhe më pas me Morinën në minutat e para të pjesës së dytë, ndërsa goli për shkodranët u shënua nga Busic me anë të një 11-metërshi në minutën e 34 të pjesës së parë.
Me këtë fitore, Tirana ngjitet në vendin e shtatë në kuotën e 43 pikëve, ndërsa Vllaznia ndalet në 41 pikë, 3 më shumë se sa Besa e Kavajës që mban vendin e nëntë.
Në takimet e tjera, Teuta mposhti po 2-1 Skënderbeun dhe mban të hapura shpresat për një vend në zonën e Kupave të Europës. Kukësi-Laçi ndanë nga një pikë pas barazimit 1-1, ndërsa Partizani fitoi minimalisht 1-0 ndaj Kastriotit duke u ngjitur në kuotën e 50 pikëve dhe ndan vendin e dytë së bashku me kuksianët.
Në Kavajë Besa fitoi 3-0 ndaj Lushnjes që i ka mbyllur llogaritë me kategorinë e parë dhe mban të gjalla shpresat për të qëndruar në elitën e futbollit shqiptar.
Top Channel
