Sulmuesi i kombëtares belge Kevin Mirallas insiston se nuk do të ishte e drejtë që Adnan Januzaj për përfshihet në skuadër për Kupën e Botës 2014.
Mirallas, i cili ka luajtur 43 ndeshje me kombëtaren, shprehet i kënaqur që 19-vjeçari shqiptar zgjodhi Belgjikën, por nga ana tjetër thotë se ai nuk duhet të zgjidhet për në Brazil.
“Ai kishte shumë presione kur duhet të merrte vendimin dhe është gjë e mirë që na zgjodhi neve sepse është një lojtar i mirë”, ka thënë Mirallas për gazetarët.
“Por nuk mendoj se ai duhet të shkojë në Brazil. Nuk do ishte e drejtë të linim një tjetër lojtar të mirë për dikë që nuk i njëh lojtarët e kombëtares sonë dhe nuk ka luajtur shumë në klubin e tij kohët e fundit”, ka vijuar sulmuesi i Evertonit.
Për më tepër – ka shtuar sulmuesi belg – ai nuk e njeh grupin ku bën pjesë Belgjika në botëror dhe duhet të japë prova për aftësitë e tij si me Manchester United ashtu edhe më vonë me kombëtaren belge.
Top Channel
