Lojtarët e Barcelonës kanë vizituar të shtunën në Camp Nou hapësirën e posaçme të krijuar për t’i bërë homazhet trajnerit Tito Vilanova, që ndërroi jetë të premten.
Trajneri Gerardo Martino udhëhoqi skuadrën përkrah drejtorit sportiv Andoni Zubizarreta, përpara se presidenti Josep Maria Bartomeu dhe bordi drejtues i klubit të bënin gjithashtu homazhet e tyre.
“Pasi nënshkroi në librin e ngushëllimeve, e gjithë skuadra u vendos përballë një fotoje të madhe të Tito Vilanova, ku mbajtën disa minuta heshtje”, thuhet në faqen zyrtare të internetit të Barcas.
“Ishte një eksperiencë e vështirë për të gjithë lojtarët e skuadrës, që ishin të prekur teksa kujtonin njeriun që shumë prej tyre i kishte stërvitur në rini dhe që më pas i kishte drejtuar si asistent i Pep Guardiola dhe në fund si menaxheri i parë i skuadrës”, vijon njoftimi online.
Ndërsa kapiteni Carles Puyol shkroi: “Prej këtej i dërgojmë forcë familjes dhe miqve të tij”. Dyert në Camp Nou aktualisht janë të hapura edhe për publikun e gjerë për të bërë homazhe.
Top Channel
