Tiranë, vritet me armë zjarri 35-vjeçari
25/04/2014 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Një 35 vjeçar u ekzekutua me disa plumba pistolete, në lagjen “Ali Demi” në Tiranë, rreth orës 22:00 të mbrëmjes së të premtes.
Aurel Zerka, u konfliktua më parë në një lokal në hyrje të kësaj lagjeje, dhe më pas u ndoq nga një person me pistoletë dhe u ekzekutua pak metra më tej.
Policia shoqëroi dhjetëra dëshmitarë okularë, dhe ka identifikuar personin që qëlloi si Agron Goxhaj, 40 vjeç.
Në vendin e ngjarjes u gjetën edhe dy gëzhoja pistolete të qitura, të cilat ishin edhe prova e vetme material e sekuestruar nga uniformat blu.
Autori është larguar së bashku me armën e krimit, duke përfituar edhe nga errësira.
Policia tha se është vënë në ndjekje te tij. Zerka, 35 vjeçar nuk arriti ti mbijetonte plagëve të rënda, të marra nga arma e zjarrit që rezultuan të ishin vdekje prurës për të.
Top Channel
