Përkeqësohet gjendja shëndetësore e ish-trajnerit të Barcelonës Tito
Vilanova, i cili vuan prej më shumë se 2 vjetësh nga një sëmundje e
rëndë.
Mediat të ndryshme europiane theksojnë se 46-vjeçari i është nënshtruar të premten një ndërhyrjeje kirugjikale dhe tashmë gjendet në reanimacion.
Lajmi është mësuar nga rrjetet sociale ndërkohë që gazetat spanjolle nuk kanë shkruar asgjë për trajnerin i cili sezonin e kaluar fitoi me Barcën titullin kampion në Spanjë. 46-vjeçari u diagnostikua për herë të parë me këtë sëmundje në vitin 2011, kur ishte zëvendëstrajner te Barca.
Pas largimit të Pep Guardiolës ai u bë trajner i parë i skuadrës katalanase dhe gjatë kësaj kohe iu nënshtruar një ndërhyrje kirugjikale në SHBA. Me 19 korrik të vitit të kaluar ai vendosi të largohet nga futbolli për t’iu përkushtuar më shumë sëmundjes.
Top Channel
