Drejtori i inxhinierisë së Ferrarit, Pat Fry, ka pranuar se “Mercedesi ka një avantazh të madh ndaj skuadrave të tjera” në këtë fillim të sezonit dhe se “prioriteti i Ferrarit është të bëhet ekipi i dytë më i mirë” në Cmimin e Madh të Kinës që do të zhvillohet këtë fundjavë.
“Po punojmë shumë për të reduktuar distancën me ekipet e para, por Mercedesi është shumë përpara. Për momentin, prioriteti ynë është që të jemi skuadra e dytë më e mirë dhe për këtë po punojmë në të gjitha pjesët e makinës”, tha Fry për faqen zyrtare të skuderisë italiane.
“Gara e Bahreinit (Alonso i nënti dhe Raikkonen i dhjeti) na detyroi të analizonim çdo gjë pasi nuk duam të përsërisim një performancë të tillë në të ardhmen”, shtoi drejtori i inxhinierisë.
Më tej, Fry analizoi edhe pistën e Shangait: “Është një cirkuit interesant, me lloje të ndryshme kthesash. Në fillim shpejtësia është e ulët, ndërsa në pjesën e dytë dhe të tretë të pistës ka kthesa të shpejta dhe një vijë të drejtë shumë të gjatë që të lejon parakalimet. Në këtë garë ka shumë rëndësi shpejtësia maksimale.”
Top Channel
