Borxhet e Serie A nuk kanë të ndalur! Ky është konkluzioni i nxjerrë nga raporti i 2014-s për futbollin, i autorizuar nga Federata italiane e Futbollit, FIGC.
Të dhënat i përkasin në fakt sezonit 2012-14, sipas të cilave borxhet e ligës më superiore të futbollit kanë kapur shifrat e 2 milionë e 947 mijë euro, 1,9% më shumë krahasuar me sezonin e kaluar. Ndërkohë, humbjet neto janë reduktuar nga 280 milionë euro në 202 milionë, gjë që përbën të vetmin lajm pozitiv, pasi ka edhe një problem tjetër me spektatorët. Në sezonin e fundit të analizuar, ka pasur 900 mijë shikues më pak nëpër stadiumet italiane.
“Raporti i Futbollit 2014” është publikuar nga Qendra e Studimeve, Zhvillimeve dhe Iniciativa speciale nga FIGC, me bashkëpunimin e Agjencisë së Kërkimeve dhe Legjislacionit, si dhe do të prezantohet në Romë.
Borxhet e Serisë A vazhdon të rriten, pavarësisht “rishikimit të shpenzimeve” nga pjesa më e madhe e klubeve, duke shkuar në afro 3 miliardë euro. Nga këto, borxhet financiare zënë një peshë prej 32%. Ndërsa spektatorët, krahasuar me 2 sezone më parë kur numri i tyre ishte 13,2 milionë, në sezonin 2012-13 ka zbritur në 12,3 milionë.
Sa i përket pjesëmarrjes mesatare, tifozët italianë janë më mirë në Europë vetëm nga ata francezë, me 22,591 ndaj 19,211, teksa vendin e parë e mban Bundesliga, përpara Premier League dhe La Liga.
Top Channel
