Sammer kritikon lojtarët e Bajernit
14/04/2014 00:00
Matthias Sammer, drejtori sportiv i Bayern Munchen, kërkoi më shumë “pasion dhe përgjegjësi” nga lojtarët pas humbjes 3-0 ndaj Borussia Dortmund, ditën e shtunë.
Kjo ishte humbja e dytë radhazi e bavarezëve në kampionatin gjerman dhe Sammer mendon se duhet më shumë kujdes për të shmangur disfata të tjera.
“Duhet të jemi më të kujdesshëm në lojë. Duhet të tregojmë edhe një herë tjetër pasionin që kemi treguar gjatë gjithë kampionatit”, tha ish-lojtari i kombëtares gjermane.
Ai shtoi se lojtarët duhet të tregohen “të përgjegjshëm” në mënyrë që ta kurorëzojnë sezonin me titujt e Kupës së Gjermanisë dhe Ligës së Kampioneve.
Top Channel