Goli i Ablilaliajt, shënuar në minutën e 60, ka larguar nga zona e ftohtë e renditjes skuadrën e Flamurtarit që duket se po ja merr dorën kampionëve të Skëndërbeut, pasi i ka mundur edhe në mesjavë duke i eliminuar nga Kupa e Shqipërisë.
Një luftë e fortë sportive dhe nervash në Vlorë, pasi përballja kishte ndoshta edhe më shumë vlerë sesa kualifikimi për në finalen e Kupës për vlonjatët. Me këtë sukses Flamurtari vazhdon të shkëputet nga zona e ftohtë, ndërkohë që kampionët e Skëndërbeut vazhdojnë në një periudhë ngërçi psikologjik ku nuk po arrijnë të rifitojnë ritmin dhe suksesin.
Diferenca e tyre me Kukësin e vendit të dytë tashmë është në 5 pikë, por gjithsesi pak e quajnë distancë sigurie. Në ndeshjen e kësaj jave, Kukësi me vështirësi mposhti Kastriotin me rezultatin 2-1 në fushën e tyre. Kur mendohej se gjithçka shkonte drejt barazimit 1-1, në kohën shtesë është Hysa ai që i jep fitoren e radhës skuadrës së Starovës, e cila po kalon formën më të mirë të këtij sezoni, madje po ringjall javë pas jave shanset për titullin kampion.
Ndërkohë, Teuta fiton ndaj Partizanit me rezultatin 3-1 në “Niko Dovana” duke hedhur pas krahëve eliminimin nga Kupa në mesjavë. Në minutën e 30 Batha realizon një supergol dhe me shifrat 1-0 mbyllet pjesa e parë. Në të dytën, Nika shënon golin e dytë, ndërsa Memelli ngushton përkohësisht në 2-1 shifrat, pasi 10 minuta nga përfundimi i ndeshjes Dosti shënon golin e nokdaunit për të kuqtë kryeqytetas që mbajnë ende vendin e tretë, por me vetëm 2 pikë avantazh ndaj durrsakëve.
Top Channel
