Superliga, dhunë në Kavajë
12/04/2014 00:00
E bujshme! Nuk ka bindur në dy ndeshjet e para të kampionatit, klubi gjerman gati të shkarkojë menjëherë trajnerin 31/08 14:11
Lufta e ashpër sportive që ndonjëherë i kaloi caqet e lejuara, protesta të shumta ndaj gjykimit, sharje në korr ndaj drejtuesve të skuadrës së Laçit, hedhje të sendeve të forta në fushë dhe 2 kameranë të goditur.
Kjo është ajo çfarë prodhoi ndeshja Besa-Laçi, që përfundoi në barazim 0-0, rezultat ky që përfshin skuadrën kavajase në luftën për mbijetesë. Besa dominoi lojën por gjithçka e saj çaloi në finalizimin e aksioneve. Ekipi i drejtuar nga Mërgjyshi pretendoi edhe dy 11-metërsha, por për kryesorin Sadiku nuk ishin të tillë.
Laçi luajti për më shumë se 20 minuta me 10 lojtarë për shkak të ndëshkimit me të kuq të Vuçaj, ndërkohë që në fund gjyqtari i ndeshjes ndëshkoi me të kuq për kontestim të vazhdueshëm të vendimeve të tij edhe trajnerin e Besës, Artan Mërgjyshi.
Në fund të ndeshjes është dashur mburoja e bërë nga trupat e policëve që tre gjyqtarët të kalonin pa u dëmtuar nga sendet e forta që hidheshin nga tifozët kavajas.
Ndërkohë, Tirana mundi 1-0 Lushnjën dhe del për herë të parë jashtë zonës së ftoftë të klasifikimit. Golin e vetëm dhe të fitores për bardheblutë e shënoi Kahata në pjesën e parë.
Edhe pse të dënuar nga Disiplina për të mos e mbështetur skuadrën e tyre nga shkallët e stadiumit, tifozët e Tiranës nuk kanë munguar në “Qemal Stafa”.
Si për të ironizuar këtë vendim, ata kanë vendosur në pjesën më të madhe të stolave të triubunës një portret ku ishte i vizuar një mashkull. Ndërkohë, tifozët e vërtetë e kanë ndjekur ndeshjen nëpërmjet Supersport në sheshin Nënë Tereza.
Top Channel
