Thibaut Courtois është një lojtar i Atletico Madrid, i regjistruar në listën UEFA të klubit spanjoll, por portieri i talentuar belg është njëkohësisht edhe një lojtar i Chelsea dhe në kontratën e huazimit tek klubi spanjoll është shkruar se ai nuk mund të luajë kundër londinezëve. Gjithashtum, në kontratë saktësohet se Courtois mund të luajë vetëm nëse Atletico i paguan “Bluve” një penalitet prej 3 milionë eurosh për ndeshje.
Debati që u hap menjëherë pas hedhjes së shortit të gjysmëfinaleve të Ligës së Kampioneve (Real Madrid-Bayern Munchen dhe Atletico Madrid-Chelsea) u mbyll shumë shpejt nga vetë UEFA. Courtois mund të luajë këto dy takime dhe Atletico nuk ka pse paguan “gjobë” për aktivizimin e tij.
Por, gazeta spanjolle ‘Marca’ shkruan se Jose Mourinho po përgatit hakmarrjen nëse portieri do të aktivizohet. Sipas kësaj gazete, trajneri portugez i Chelsea do e kthejë belgun në Londër kur të mbarojë sezoni aktual (ka një kontratë deri në vitin 2016) dhe do e lërë në pankinë për dy sezone rresht.
Me shpresën që portieri aktual i Chelsea, Peter Cech, të luajë në nivele të larta pavarësisht moshës.
Top Channel
