Boksieri i njohur kosovar Haxhi Krasniqi, i cili u shpall së fundmi kampion i botës në WBO International, në peshat gjysmë të rënda, po vazhdon të pritet në takime të ndara nga krerë të institucioneve shtetërore të Kosovës, por edhe nga udhëheqës të subjekteve politike.
Në të gjitha takimet që Krasniqi ka zhvilluar deri tani është uruar për sukseset e tij, ndërsa i është premtuar po ashtu mbështetje nga institucionet e Kosovës. Nga ana tjetër, vetë Krasniqi është i kënaqur me mikpritjen që po i bëhet nga të gjithë pas suksesit të arritur në sportin që ai merr pjesë.
Të shtunën Krasniqi u prit në takim nga kreu i Aleancës për Ardhmërinë e Kosovës, Ramush Haradinaj. Krasniqi ka thënë se pritjet e ngrohta që po i bëhen do të përpiqet t’i kurorëzojë me tituj të tjerë.
Top Channel
