Ilkay Gundogan nuk ka luajtur pothuajse fare gjatë këtij sezoni me Borussia Dortmund për shkak të një dëmtimi në shpatull dhe fatkeqësisht mesfushori gjerman me origjinë turke do të mungojë edhe në Botërorin e Brazilit.
Lajmin e bëri të ditur trajneri i Dortmundit, Jurgen Klopp: “Nuk ka kohë që të rekuperohet. Është më mirë dhe do të rikthehet i fortë si më parë, por ka nevojë për kohë.”
Gundogan ka pasur shumë probleme me dëmtimet që në verën e kaluar. Në këtë sezon ka luajtur vetëm 4 ndeshje (3 me Borussia Dortmund dhe 1 me kombëtaren). Në 14 gusht pësoi një dëmtim në shpatull dhe që nga ajo kohë nuk ka luajtur më asnjë takim. Rekuperimi i tij ka qenë i rrethuar nga misteri dhe kthimi në fushë është shtyrë pasi lojtarit nuk i pushojnë dhimbjet e shpatullës.
Gundogan është një nga futbollistët më të kërkuar në Europë (Manchester United, Barcelona, Real Madrid…) dhe kontrata e tij me klubin aktual skadon në vitin 2015.
Top Channel
