Ambienti në Maranello nuk është aspak i mirë. Kriza e Ferrarit po provokon shumë spekulime dhe presidenti i markës duket se ka dëshirë t’i hedhë benzinë zjarrit e jo ta shuajë atë.
Luca Cordero di Momntezemolo ka folur gjatë inaugurimit të një zone të re të muzeut të Ferrarit duke thënë se do të marrë vendime të forta për të zgjuar skuderinë italiane që nuk e ka nisur mirë kapionatin e këtij viti.
“Kam besim se gjërat do rregullohen dhe mendoj se duhet ta shohim me optimizëm të ardhmen. Do të marrim vendimet që duhen marrë”, tha Montezemolo.
Në Itali kjo deklaratë është interpretuar si një “tërheqje veshi” për drejtuesit e skuadrës, edhe pse presidenti nuk i është referuar askujt në veçanti dhe nuk ka specifikuar se cilat janë këto vendime.
“Nuk do të lëmë gur pa lëvizur, do të punojmë ditë e natë në mënyrë që ta ngremë Ferrarin aty ku i takon”, shtoi presidenti i “Kokëkuqes”.
Top Channel
