Ish-rekordmeni botëror i 100-metërshit në Atletikë, Asafa Powell, është përjashtuar për 18 muaj. Sprintieri 31-vjeçar rezultoi pozitiv me substancën e ndaluar të oxilofrone, pikërisht në provat kombëtare të Xhamajkës, Qershorin e kaluar.
Ai është pezulluar nga kompeticioni që prej zbulimit të rastit të përdorimit të dopingut prej tij në Korrik. Një panel i Komisionit Anti-Doping i Xhamajkës njoftoi vendimin e tij gjatë së enjtes, në kryeqytetin xhamajkan.
Pezullimi i Powell nis që prej ditës së mbledhjes së kampionëve të tij për testim, më 21 Qershor 2013, gjë që nënkupton se ai do të ketë të drejtë të kthehet në kompeticion më 20 Dhjetor.
Ashtu si dhe ish-shoku i tij i skuadrës, Sherone Simpson, Powell ia ka hedhur fajin një fizioterapisti, i cili i kishte u kishte ofruar atyre suplemente shtesë. Më herët, gjatë kësaj jave, Simpson u dënua deri më 20 Dhjetor.
Powell arriti të zbriste rekordin botëror në 100-metërsh në 9,74 sekonda, në vitin 2008, përpara se të eklipsohej nga bashkëkombasi i tij Usain Bolt.
Top Channel
