Ibra rrezikon 1 muaj larg fushave
03/04/2014 00:00
Kualifikueset e Botërorit/ “Shtanget” Gjermania, Panzerat humbin ndeshjen e parë, dominojnë Spanja e Belgjika 04/09 23:12
Verdikti përfundimtar ende nuk është përcaktuar, por periudha e rikuperimit duket disi e gjatë për Zlatan Ibrahimovic, i cili do të duhet të ndalet ndoshta për 1 muaj.
Suedezi i PSG-së, i cili pësoi një tërheqje muskulare gjatë ndeshjes në “Park des Princes” kundër Chelsea-t, për Champions League, do të duhet – thuajse e sigurt – të mungojë në takimin e kthimit në Londër, e programuar për javën e ardhshme.
“Do të jetë jashtë për të paktën dy javë”, ka theksuar presidenti i Paris SG, Nasser al Khelaifi.
Champions-i duket sërish i mallkuar për Ibra-n, që ndoshta mund të rikthehet për gjysmëfinalet, vetëm nëse shokët e tij të skuadrës do të arrijnë të ruajnë avantazhin e siguruar nga fitorja 3-1 në Paris ndaj “bluve” të Mourinho-s.
“Dëmtimi i Ibra-s është muskular – ka thënë trajneri Laurent Blanc, – e me siguri do të kërkojë kohë për t’u rikuperuar”. Një kohë që, ndoshta në këtë moment të sezonit, Parisi nuk duket se e ka në dispozicion.
Top Channel
