Kryetari i Kuvendit Ilir Meta po viziton Danimarkën, një tjetër vend i rëndësishëm i BE-së që i tha ‘Jo’ statusit të vendit kandidat të Shqipërisë në muajin dhjetor.
Ai u prit në Kopenhagen nga kreu i Parlamentit Mogens Lykketoft, i cili shprehu bindjen se avancimi i axhendës europiane të Shqipërisë do ta inkurajojë dhe përshpejtojë procesin e reformave dhe progresit në vend dhe rajon.
Ndërkohë Meta tha se pavarësisht vendimit në dhjetor, Qeveria shqiptare është e vendosur në avancimin e reformave qe kërkon vendi dhe Kuvendi po adreson të gjitha prioritetet e Komisionit Europian.
Ata ndanë bindjen se marrëdhëniet ndërparlamentare mes Shqipërisë dhe Danimarkës do të hyjnë në një fazë më dinamike të shkëmbimeve reciproke përmes krijimit të Grupit të Miqësisë.
Meta e njohu homologun danez me axhendën e reformave që janë ndërmarrë në Shqipëri në funksion të forcimit të institucioneve dhe rimëkëmbjes ekonomike të vendit.
Top Channel
