Sport

Dëmtimet, Valdes 7 muaj larg, Jese tregon gjurin

01/04/2014 00:00

Përmes një komunikate zyrtare, Barcelona ka njoftuar se Victor Valdes është operuar me sukses në Gjermani dhe do të duhet të qëndrojë jashtë fushave të blerta për të paktën 7 muaj.

Portieri, i cili u dëmtua të mërkurën e kaluar në takimin me Celta Vigo-n, ka mbyllur në mënyrën më të keqe eksperiencën e tij 10-vjeçare me katalanasit, duke qenë se e ka bërë të ditur prej kohësh mos rinovimin e kontratës me “blaugrana”-t, që skadon në Qershor.

Me këtë dëmtim të rëndë, për portierin spanjoll sfumohet edhe mundësia për të marrë pjesë në Botërorin e Brazilit, me kombëtaren e Spanjës.

Ndërkohë, sa i përket dëmtimeve, edhe sulmuesi i Real Madrid Jese është operuar në gju, për shkak se kishte këputur ligamentin kruciat, e në fund të ndërhyrjes ka publikuar foton në rrjetin social Tëitter.

Jese Rodriguez ka azhornuar tifozët e “Los Blancos” mbi kushtet fizike të tij, pas atij dëmtimi të pësuar në ndeshjen e kthimit për 1/8-at e Champions League kundër Schalke 04.

“Sot më kanë hequr penjtë”, është komenti i shkurtër shoqërues i fotos së plagës së operacionit në gju.

Top Channel