Përgjimi i Merkel nga NSA

Sipas “Der Spiegel”, nën vëzhgim ishin edhe udhëheqësit e Perusë, Somalisë, Bjellorusisë dhe vendeve të tjera. Gjithashtu, revista prestigjioze gjermane shkruan se “shërbimi britanik i zbulimit kishte depërtuar në kompanitë gjermane të internetit”.

Këto fakte u zbuluan mes dokumenteve, që kishte bërë publike ish-nëpunësi i CIA-s, Edward Snowden, i cili mundi të sigurojë 1,7 milionë dokumente, përpara se kërkonte azil politik në Rusi.

Egjipt, zgjedhjet presidenciale më 26-27 Maj

Raundi i parë i zgjedhjeve presidenciale në Egjipt është caktuar për më 26-27 Maj, disa ditë pasi Gjenerali Al-Sisi dha dorëheqjen dhe shpalli kandidaturën e tij. Televizioni shtetëror i Egjiptit raportoi se kandidaturat do të pranohen prej së hënës deri më datë 20 Prill.

Abdul Fatah al-Sisi drejtoi vendin gjatë periudhës prej rrëzimit nga pushteti të ish-presidentit Mohamed Morsi, në Korrik të vitit të kaluar, pas protestave masive. Nëse ai nuk do të fitojë më shumë se 50% në raundin e parë, atëherë raundi i dytë do të zhvillohet më 16-17 Qershor.

Egjiptianet që jetojnë jashtë vendit do të votojnë nga 15-19 Maj. Deri tani, veç Gjeneralit Al-Sisi ka shpallur kandidaturën politikani Hamdin Sabahi, i cili doli i treti në zgjedhjet e fundit presidenciale të vitit 2012.

Ndërron jetë Kate O’Mara e “Dinastia”

Ish-aktorja e njohur në serialin e famshëm “Dinastia”, Kate O’Mara, ndërroi jetë në moshën 74-vjeçare. Aktorja britanike njihet për rolin e motrës së Aleksis Colby, i luajtur nga Joan Collins.

Kjo e fundit, në Twitter, shkruan: “Një lajm tragjik për Kejt O’Maran. Ia kaluam shumë mirë te ‘Dinastia’, kur ajo luante motrën timë. Të prehesh në Paqe!”.

Kejt O’Mara njihet edhe me rolet në serialet e njohura të viteve ’80 “Howards way and Triangle” dhe në “Doctor Who”. Agjenti i saj tha se “ajo ndërroi jetë ne Sussex, pas një sëmundjeje të shkurtër”. Ai përmendi “energjinë, vitalitetin dhe dashurinë e saj për teatrin dhe filmin”.

Top Channel