Rasmusen: E ardhmja e Malit të Zi në NATO
25/03/2014 21:35
Hapet Muzeu “Cast”, artefaktet për dhunën seksuale në luftën e Kosovës
27/11 14:30
E ardhmja e Malit të Zi do të jetë NATO. Këtë bëri të qartë nga Brukseli, Sekretari i Përgjithshëm i Aleancës, Anders Fogh Rasmusen, gjatë një takimi me Presidentin e Malit të Zi, Milo Djukanoviç.
Sipas Rasmusen, “e ardhmja e Podgoricës është qartësisht në familjen euro-atlantike”.
Ai shtoi se “sjellja e Rusisë nuk do të ketë asnjë ndikim në projektet e aleancës për zgjerimin në të ardhmen. Mali i Zi është një partner i rëndësishëm i aleancës dhe një kandidat i fortë për anëtarësim”.
Në fjalën e tij, Djukanoviç ritheksoi angazhimin e plotë e të vendosur të Malit të Zi ndaj të ardhmes euro-atlantike.
Ai premtoi reforma të mëtejshme në fushat e mbizotërimit të ligjit, reforma në fushën e mbrojtjes dhe të sigurisë, për t’u përafëruar edhe më shumë me standartet e kërkuara nga NATO.
Top Channel
