Adam është një djalë 26-vjeçar i cili vuan nga një çrregullim gjenetik me emrin neurofibromatosis që shkakton tumore poshtë lëkurës dhe përreth muskujve duke e bërë atë të ketë një pamje anormale, por kjo gjë nuk e ka penguar aspak që të interpretojë përkrah aktores Scarlett Johansson.
Për më tepër, Adami dhe aktorja e famshme hollivudiane shihen nudo në disa skena të filmit ‘Under The Skin’.
Personazhi i 26-vjeçarit është thelbësor në film. Scarlett Johansson luan rolin e një alieneje e cila shëtit me furgon nëpër Skoci duke joshur meshkujt e më pas duke i bërë gjëra të tmerrshme atyre, por takimi me Adamin ndryshon gjithçka.
“Kur njerëzit shikojnë një aktore të bukur pranë dikujt që është i shpërfytyruar, mendojnë se ai duhet të jetë i keqi, por në këtë film unë jam viktima. Është film shumë interesant”, tregon Adami.
Në lidhje me skenat nudo, Adam thotë: “Ajo e kishte më problem, unë ndihem mirë me trupin tim.”
Top Channel
