Është një nga femrat më të famshme dhe më të pëlqyera në botë. Shumë do të donin të ishin si ajo, por vetë Kylie Minogue nuk është aspak e kënaqur me pamjen e saj.
Këngëtarja australiane ka folur hapur për pasiguritë e saj në një intervistë për revistën ‘Stylist’, duke treguar se nuk i sheh rezultatet e seteve fotografike që realizon pasi nuk i pëlqen aspak vetja.
“Besojeni apo jo, më vjen ende turp kur bëj sete fotografike. Nuk i shoh fotot që më bëjnë pasi e di që nuk do më pëlqejnë, madje do i urrej”, tha Kylie.
Viti 2014 shënon një nisje të re për Kylie Minogue, e cila do të lançojë albumin e saj të ri me titull Kiss Me Once dhe gjithashtu ky vit e gjen beqare pas ndarjes nga i dashuri Andres Velencoso pas 5 vitesh lidhjeje.
Top Channel
