Dorëhiqet Presidenti i Bylisit
19/03/2014 00:00
Video/ Dominim total, por vetëm një gol. Shqipëria ngjitet e dyta pas fitores me Letoninë 09/09 23:43
Presidenti i Bylisit Besnik Kapllanaj ka dhënë dorëheqjen nga klubi dhe ka deklaruar se do të paraqitet të polici.
Shkak është bërë incidenti i të shtunës në fushën e gjelbër të Ballshit, ku Kapllanaj akuzohet se dhunoi shefin e Sektorit të Garave të FSHF-së, Besnik Çela.
“Do të vetëdorëzohem në polici. Nuk e dija që isha në kërkim për ngjarjen e së shtunës. Jap dorëheqjen pasi e shikoj se ka shumë padrejtësi”, ka deklaruar Kapllanaj për mediat.
Ai akuzohet se ka goditur me mjete të forta në kokë të dërguarin e FSHF-së, Besnik Çela. Procedimi penal ndaj tij ka filluar për veprat penale “Goditje për shkak të detyrës” dhe “Plagosje e lehtë me dashje”. Ngjarja ndodhi pasditen e së shtunës në përfundim të ndeshjes Bylis-Laçi.
Top Channel
