Arsene Wenger kërkon të motivojë sa më shumë organizatorin Mesut Ozil në kuadër të ndeshjes së kthimit ndaj Bayern Munchen, takim që do të zhvillohet ditën e martë në “Allianz Arena”.
Londinezët do të mundohen të përmbysin rezultatin 2-0 të ndeshjes së parë, por do të marrin zemër nga fitorja 2-0 që arritën vitin e kaluar në Gjermani po ndaj bavarezëve.
Wenger tha se Ozil e përjetoi shumë keq humbjen e 11-metërshit gjatë ndeshjes së parë, kur rezultati ishte 0-0: “Mendoj se e vuajti shumë psikologjikisht. Ai ndjeu se kishte zhgënjyer shokët e skuadrës në një moment shumë të rëndësishëm të ndeshjes dhe kjo gjë ndikoi në lojën e tij.”
Gjithsesi, trajneri i Arsenalit shtoi se Ozil e ka kaluar momentin e vështirë: “Tashmë e ka harruar penalltinë dhe ka një mundësi shumë të mirë të martën për të treguar aftësitë e tij.”
Top Channel
